سياسة الخصوصية

البيانات اللي بنجمعها

بريدك الإلكتروني، عشان تسجّل دخول وتوصلك إشعارات المباريات.
اسمك وصورتك، ولو دخلت بحساب جوجل بناخدهم منه، وتقدر تغيّرهم في أي وقت.
اللي بتضيفه بنفسك: المركز، والسمات، والتقييمات، والمشاركة في المباريات والجروبات، والتعليقات والردود والتفاعلات وصور الأرشيف والكابشن. لو فعّلت إشعارات الجهاز، بنحفظ اشتراك المتصفح اللازم لإرسالها.

عشان تشغيل الموقع: الحجز والتشكيلة والإشعارات.
بنستخدم مزودي الاستضافة وقاعدة البيانات والبريد وإشعارات الأجهزة لمعالجة البيانات اللازمة لتقديم الخدمة.
مش بنبيع بياناتك ومفيش إعلانات.
صور التشكيلات المنشورة وصور الأرشيف بتفضل محفوظة من غير انتهاء تلقائي؛ حدود الكاش أو الإشعارات مش بتحذفها.

في الماتشات المتاحة للزائر، الاسم والصورة ممكن يظهروا في قوائم اللاعبين المسموح بعرضها والتعليقات، والصورة الشخصية متاحة برابطها.
صفحة البروفايل تحتاج تسجيل دخول موثّق.
صور التشكيلة تتبع إعدادات ظهور الأسماء والقوائم، والأرشيف يتبع صلاحية الوصول للماتش.
الصور المرفقة بالإيميل أو اللي حد نزّلها أو خزّنها قبل تغيير الصلاحيات ما نقدرش نسحب نسختها.
التقييمات بتظهر كمتوسط، ومحدش يعرف مين قيّمك غير أدمن الموقع وأدمن جروبك.
سبب الاعتذار بيشوفه المنظم والأدمن بس.

بعض الميزات الاختيارية بتستخدم ذكاء اصطناعي من مزوّد خارجي، وبنبعت بس اللي كل ميزة محتاجاه:

اقتراح التشكيلة: قوة ومراكز مجهولة للاعيبة، من غير أي اسم ولا إيميل.
«تصميم بالذكاء الاصطناعي»: أعداد الفرق والتاريخ والوقت واسم الملعب.
حنظلة (المساعد): سؤالك مع اللي إنت نفسك تقدر تشوفه على الموقع بس، علشان يجاوب عليك: اسمك وبروفايلك وماتشاتك وتسجيلاتك وجروباتك وإشعاراتك وجيمات السكرو بتاعتك، ومعاهم اللي بتشوفه في صفحة كل ماتش من ماتشاتك (لينك الماتش والملعب ولينك الخريطة والمسجلين والتشكيلة).
حنظلة مابيقراش أي حاجة على موبايلك أو جهازك ولا بيوصل له، ولا بيشوف كلمات سر ولا إيميلك.
ولا بيشوف بيانات خاصة لأي لاعيبة تانيين (غير اللي بيظهر لأي لاعب على صفحات الموقع، زي أسامي المسجلين)، ولا أي حاجة للأدمن أو المنظمين بس، وما بينفذش أي حاجة باسمك.
ولو سؤالك محتاج معلومة عامة (زي قواعد لعبة ورق)، ممكن يبحث عليها في الإنترنت من غير ما يبعت أي حاجة عنك.
ومش بنخزن الأسئلة ولا الردود عندنا.

لو عايز تمسح حسابك وبياناتك، كلّم أدمن الموقع على omar.essam.shaheen@gmail.com.